ဇာတ်ကားကောင်း ကြိုက်သူတွေ အတွက်”Kaala” ဆိုတဲ့ ဇာတ်ကားကောင်း၊ဘော်ဒါတို့အားလုံး ရင်းနှီးပြီးသားဖြစ်မှာပါ။Reviewတွေလည်း ဖတ်ဖူးကြမှာပါ။ဇာတ်လမ်းအညွှန်း….Kaala ဆိုတာ “Daravi”ဆိုတဲ့ ဆင်းရဲသား ရပ်ကွက်ရဲ့ခေါင်းဆောင်အဖြစ် တင်စားကြတဲ့ “Karrikaalan “ရဲ့ နာမည်တစ်ခုပေါ့။သူဟာ ဒီရပ်ကွက်မှာ ဩဇာညောင်းသူ၊ ဖခင်ဖန်တီးခဲ့တဲ့ မြေကို ဆက်လက်ထိန်းသိမ်း ထားသူပေါ့။
Kaala အဖေ ကို သတ်ခဲ့တဲ့ Harri Dada ဆိုတဲ့ ဝန်ကြီး ကလည်း ဒီမြေကို အစိုးရစီမံကိန်းလို့ လိမ်လည်ပြီး အပိုင်စီးချင်နေတယ်။ဆင်းရဲသားတွေကို တိုက်ခန်းတွေပေးမယ် ဘာညာပေါ့။ဒီအကြောင်းတွေကို မသိတဲ့ Zarrina ဆိုတဲ့ မဒမ်ကလည်းဒီစီမံကိန်းကို လူထုအကျိုးပြုအဖြစ် NGO ခေါင်းဆောင်အနေနဲ့ ဦးဆောင်ဦးရွက်ပြုရမယ်။Zarrenaဆိုတာ အာဖရိက,က လာတာဆိုပေမဲ့သူဟာ ဒါရဗီဇာတိ၊ ဒါရဗီမှာ ရာဇဝင်ကြွေးတွေတောင် ရှိသေး၊ ပြီးတော့မှ နိုင်ငံခြား ထွက်သွားတာ။Harri Dada ရဲ့ အကြံတွေ(နောက်ကွယ်က ကြိုးကိုင်မှု)ကို သိနေတဲ့ Kaala ကတော့ ဒီစီမံကိန်းကို လက်မခံပါဘူး။Harri DaDaဆိုတဲ့ လူကလည်း ဟိုးခေတ်တုန်းကပဲ ဂန်းစတားမို့ လူသတ်၊နှိပ်စက်ဖို့ ဝန်မလေးတဲ့လူပါ။ဒီလိုနဲ့ သူ့စိတ်ကူးအကြံတွေ ဖျက်ဆီးတဲ့ Kaalaကိုရက်ရက်စက်စက် လုပ်ကြံခဲ့ပါတယ်။ဘုရားသခင်ရဲ့ အလိုတော်အရ…..??Kaala နဲ့ Harri Dada တို့ အပြိုင်အဆိုင် ဘယ်လို အနိုင်ယူကြမလဲ?ဘယ်သူက ရာမလဲ? ဘယ်သူက ရာဝဏ္ဏ(ဒသဂီရိ)လဲ?အတ္တတွေနဲ့ ဘယ်လောက်ထိ ရက်စက်ကြမလဲ?အကြမ်းလောက်ကို ဖော်ပြလို့လည်း မပြီးသေးဘူး။အချစ်ပိုင်းမှာရော….?Zareena ရဲ့ ဒါရဗီက အတိတ်ဇာတ်လမ်းလေးရော ဘယ်လိုဖြစ်မလဲ..?ချစ်လျက်နဲ့ ဝေးကွာခဲ့ရလို့ အချစ်မပြယ်ကြပေမဲ့စည်းစောင့်ထိန်းတဲ့ ရည်းစားဟောင်းတွေ၊မိသားစု မပြိုကွဲမီ သာယာတဲ့ အိမ်ထောင်ရေးကို ဖန်တီးကြတဲ့ နားလည်မှုနဲ့Kaala တို့ လင်မယား၊အတုယူစရာတွေပေါ့။ဇာတ်ဝင်သီးချင်းတွေကတော့ သူတို့ရဲ့ ရိုးရာသံစဉ်တွေနဲ့ အချစ်သီချင်းတွေအပြင်၊ ယနေ့ခေတ်လူငယ်ကြိုက် Rapတွေနဲ့ Kaala ရဲ့ ဘုန်းတော်ဘွဲ့တွေလည်း ပါ,ပါသေးတယ်။သီချင်းတွေတင် မဟုတ်ဘူးနော်! အဲ့ဒီသီချင်းတွေမှာ အကလေးတွေနဲ့ ဆွဲဆောင်ထားတာ။နိုင်ငံရေးသမား မင်းသားကြီး ရိုက်ထားတဲ့ ကားမို့ နိုင်ငံရေး ပညာပေးစကားလုံးတွေနဲ့ ဇာတ်ကားဟာ အဖိုးတန်နေပါတယ်။တမီးလ်ကားဆိုပေမဲ့ အရင်တမီးလ်ကားတွေနဲ့ပုံစံခွဲထွက်ထားပြီး လူကြီးကြိုက်၊ လူငယ်ကြိုက်မိုဲ့မြန်မာပြည်မှာတောင် ရုံတင်သေးတယ်လေ :3ပြီးတော့ လူအင်အားအများအပြား သုံးထားတာဒီကားမှာ အများဆုံးတွေဖူးတယ်။နောက်ခံတီးလုံး၊ ကာလာအနေအထား ကျွန်တော့်အမြင်မှာတော့ တော်တော်မိုက်တယ်။(မီးတောက်တွေကြား အသက်လု ပြေးကြလွှားကြပြီးမီးရှို့တိုက်ခိုင်မှု၊ ကားတိုက် သတ်မှု၊ တုတ်၊ဒါး၊ လက်နက်တွေနဲ့ သတ်ဖြတ်တိုက်ခိုက်မှု၊ အကြမ်းဖက်မှု အဓိကရုဏ်းတွေနဲ့ ပြည့်နှက် နေတာမို့ ကလေးတွေအနေနဲ့မကြည့်သင့်ဘူးထင်ရင် ကလေးတွေကို မပေးမိပါစေနဲ့ဗျ။)ဒီလောက်ပဲ ရေးပါရစေ၊ အညွှန်းမရေးတတ်တာ အားနည်းချက်မို့ ။သီချင်းတွေကိုလည်း အပင်ပန်းခံပြီး မြန်မာမှုပြုထားလို့ နည်းနည်းလေးမှ မကျော်ဘဲ ကြည့်ပေးကြပါလို့… ပြောချင်ပါတယ်ဗျာ။
✪ kwp marshmello ( movie ) ✪
✪ credit to the original ✪
Comments
Post a Comment